Тожикистонда юк поезди рельсдан чиқиб, ёниб кетди (видео)

World

−

15 December 2025 visibility7097 timer1 minute

Бугун, 15 декабрь куни Тожикистоннинг Яван туманида ёнилғи ташийдиган юк поезди рельсдан чиқиб, ёниб кетди. Фавқулодда ҳодиса Даҳана қишлоғи яқинида содир бўлган. Бу ҳақда “Тожикистон темир йўллари” давлат корхонасига таяниб, “Asia-Plus” хабар берди.

Темирйўл мутахассисларининг маълумотларига кўра, ҳодисага сабаб ер силкиниши бўлган – тупроқ сирпаниши темирйўлни шикастлаган. Оқибатда поезд рельсдан чиқиб кетган ва ағдарилиб, ёнган. Ҳодиса оқибатида жабрланганлар йўқ.

Воқеа жойига корхона раҳбарияти ва махсус ишчи гуруҳ етиб борган. Улар содир бўлган вазиятни ва темирйўл инфратузилмасига етказилган зарарни аниқлаш билан шуғулланмоқда.

Эслатиб ўтамиз, аввалроқ Ҳиндистоннинг марказий қисмидаги Чхаттисгарх штатида йўловчи ва юк поездлари тўқнашуви оқибатида 11 киши ҳалок бўлганди, 20 киши жароҳат олганди.

Author