Тошкентдаги “дом”ларнинг бирида кучли ёнғин юз берди (видео)
Crime
−
26 June 2023 10264 1 minute
Тошкент шаҳри Юнусобод туманидаги кўп қаватли уйларнинг бирида ёнғин содир бўлди. Бу ҳақда Фавқулодда вазиятлар вазирлиги Матбуот хизмати хабар берди.
Қайд этилишича, кеча, 25 июнь куни соат 19:13 да ФВБга Тошкент шаҳар Юнусобод тумани 12-даҳасида жойлашган кўп қаватли уйнинг том қисми ёнаётганлиги тўғрисида хабар келиб тушган. Унга кўра, ёнғинни бартараф этиш учун 4 та ёнғин-қутқарув экипажи 2 та автонарвондан иборат қутқарувчилар жамоаси соат 19:21 да етиб бориб, соат 19:55 да ёнғин ўчирилган.
Ёнғин оқибатида кўп қаватли уйнинг тахминан 150 м кв майдонида том қисми ёниб зарарланган. Тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.
Live
All
