Таиланддаги даҳшатли зилзила биноларни қулатмоқда

Бугун, 28 март куни Таиланднинг Бангкок шаҳрида 7,7 магнитудали зилзила юз берди ва бир неча бинолар қулаб тушди. Бу ҳақда “Associated Press” хабар берди.

Маълум қилинишича, зилзила маҳаллий вақт билан соат 13:30 да бошланган. Агентлик маълумотларига кўра, ер силкиниши тахминан 10 дақиқа давом этган.

“Зилзила чуқур бўлмаган, унинг амплитудаси 10 километрни ташкил этган, эпицентри эса қўшни Мьянмада бўлган”, дейилади хабарда.

Ижтимоий тармоқларда тарқалган видеоларга кўра, зилзила оқибатида Бангкокда қурилиши тугалланмаган кўп қаватли бино қулаб тушган. Журналистларнинг таъкидлашича, чанг устуни шаҳарнинг турли нуқталаридан кўриниб турган, жабрланганлар ҳақида маълумот йўқ.

Кўп қаватли уйларда яшовчиларни эвакуация қилиш эълон қилинган. Шаҳар метроси фаолияти тўхтатилган. Сейсмологлар маълумотларига кўра, зилзила ўчоғи Таиланднинг Ратбури провинцияси яқинида бўлган.

Эслатиб ўтамиз, аввалроқ Қирғизистон Республикасининг Жалолобод шаҳрида зилзила содир бўлгани ва унинг кучи Ўзбекистоннинг бир нечта ҳудудларида ҳам сезилгани ҳақида хабар берилганди.