Сурхондарёда тожикистонлик бола ўғрилари ушлангани юзасидан изоҳ берилди (видео)
Crime
−
16 May 2024 32332 1 minute
Ижтимоий тармоқларда Сурхондарё вилояти Шўрчи туманида тожикистонлик бола ўғрилари ушлангани ҳақида хабарлар тарқалди. Мазкур ҳолатга вилоят ИИБ расмий муносабат билдирди.
Маълум қилинишича, ушбу хабарлар юзасидан масъуллар томонидан ўрганиш ишлари олиб борилган. Суриштирувлар натижаси ушбу хабарларнинг асоссиз ва ҳақиқатдан йироқ эканини кўрсатмоқда.
Видеодаги ҳолат Қумқўрғон тумани “Боботоғ” маҳалласида содир бўлган. Видеодаги шахслар Молдова фуқаролари бўлиб, хўжалик буюмларини сотиб юрганини маълум қилган. Ўша пайтда улар билан маҳаллий аҳоли ўртасида келишмовчилик келиб чиққан. Ҳолат юзасидан тан жароҳати олганлар йўқ.
“Ушбу ҳолат юзасидан Қумқўрғон тумани ИИБ томонидан суриштирув ишлари олиб борилмоқда”, дейилади хабарда.
Live
AllIspaniya migrantlarni Seutani tark etishga majbur qilish uchun ularni suv va o'tsiz qoldirmoqda
17:40
Toshkentdagi o'pirilib tushgan yo'l o'tkazgich qurilishida 7,4 mlrd so'm eb yuborilgani ayon bo'ldi
17:28
