Шавкат Мирзиёев Қатар амири билан учрашди
Local
−
14:52 917 1 minute
Бугун, 26 октябрь куни Ўзбекистон Республикаси Президенти Шавкат Мирзиёев мамлакатга амалий ташриф билан келган Қатар давлати амири Шайх Тамим бин Ҳамад Ол Соний билан учрашув ўтказди. Бу ҳақда Президент матбуот хизмати хабар берди.
Қайд этилишича, суҳбат аввалида Ўзбекистон ва Қатар ўртасидаги олий даражадаги фаол мулоқотлар ва тизимли ишлар натижасида алоқалар стратегик шериклик даражасига кўтарилгани мамнуният билан таъкидланган.
Бу каби яқин муносабатлар икки томонлама дўстлик ҳамда ҳамкорликни янада мустаҳкамлаши алоҳида эътироф этилган.
Учрашувда олий даражада эришилган келишувлар ижросининг бориши кўриб чиқилган. Савдо-иқтисодий, инвестициявий, ижтимоий ва гуманитар соҳалардаги лойиҳаларни янада кенгайтиришга аҳдлашиб олинган.
Етакчилар глобал ва минтақавий аҳамиятга молик масалалар юзасидан ҳам фикр алмашган.
Live
All
