Самарқандда олтин конидан кўп миқдорда тупроқ ташиб кетаётган кишилар ушланди

Local

−

12 June 2020 visibility12211 timer1 minute

Жорий йилнинг 7 май куни Самарқанд вилоятининг Пахтачи туманида “Қорақўтан” олтин конидан тупроқ ўғирлаётган 40 га яқин одам ушланди. Бу ҳақда Миллий гвардия Қўриқлаш бошқармаси хабар берди.

Самарқанд вилояти Қўриқлаш бошқармаси 11-алоҳида отряди ва Пахтачи туман ИИБ ходимлари ҳамкорлигида коннинг 112-сонли очиқ карьери тушиб текширилган. У ерда 39 га яқин фуқаролар томонидан 200 та полиэтелин қопларга жойланган 6 тонна 610 кг, таркибида олтин моддаси бўлиши мумкин бўлган тошлар ҳамда 10 та турли русумдаги автомашиналар, 9 дона электр узатгич, 10 дона перфаратор каби асбоблар далилий ашё сифатида олинган. Далиллар туман ИИБга топширилган.

Ҳозирда мазкур ҳолат юзасидан терговга қадар суриштирув ишлари олиб борилмоқда.