Россияда коронавирус беморлари ётган шифохонада ёнғин чиқди
World
−
12 May 2020 7009 1 minute
Бугун, 12 май куни Россиянинг Санкт-Петербург шаҳри, Виборг туманидаги коронавирусга чалинган беморлар даволанаётган Муқаддас Георгий шифохонасида йирик ёнғин юз берди. Натижада ҳозиргача беш киши ҳалок бўлди. Бу ҳақда РИА Новости хабар берди.
“Ёнғин натижасида дастлабки маълумотларга кўра, беш киши ҳалок бўлди”, деган ФВВ вакили.
Шифохонадан 150 киши эвакуация қилинган. Ёнғинга электр линияларидаги носозлик сабаб бўлгани тахмин қилиняпти.
Эслатиб ўтамиз, жорий йилнинг 9 май куни Москвадаги коронавирус беморлари даволанаётган шифохонада ҳам ёнғин юз берганди. Натижада бир киши ҳалок бўлганди.
