Роналду ва Месси бирга ўйнаши мумкин

Аргентина терма жамоасининг собиқ футболчиси Карлос Тевес фаолиятидаги хайрлашув ўйинини “Бока Хуниорс”нинг “Ла Бомбонера” стадионида ўтказишни режалаштирмоқда. Унда Лионель Месси ва Криштиану Роналду ҳам иштирок этиши мумкин. Бу ҳақда “BolaVIP” нашри хабар берди.

Маълум бўлишича, Тевес дунё футболида бирга ўйнаган собиқ жамоадошлари ва дўстларидан иборат катта рўйхатни тузмоқда. Улар орасида Месси, Роналду, Уэйн Руни, Андреа Пирло, Эдвин ван дер Сар, Рио Фердинанд, Неманья Видич, Патрис Эвра ва бошқа юлдузлар бор. Эндиликда ушбу футболчилар билан биргаликда Тевес кўргазмали хайрлашув учрашуви ўтказмоқчи. Ўйин жорий йилнинг 19 декабрь куни ўтказилиши режа қилинган.

ESPN’га берган интервьюсида Тевес икки футболчини хайрлашув ўйинида бир жамоага жамлаш нияти борлигини айтган.

Маълумот учун, Тевес 2022 йилда профессионал футболдаги фаолиятини якунлаган. У Месси билан Аргентина терма жамоасида, Роналду билан эса “Манчестер Юнайтед”да бирга ўйнаган.