Роналду Instagram`даги обуначилари сони бўйича рекордчига айланди

“Ювентус” клуби ҳужумчиси Криштиану Роналду Instagram ижтимоий тармоғидаги обуначилари сони бўйича ҳайратланарли даражага эришди. 35 ёшли португалияликнинг саҳифасини кузатувчилар 250 млндан ошиб кетди. 

Instagram`нинг ўз расмий саҳифасини ҳисобга олмаганда бу ижтимоий тармоқ фойдаланувчилари орасидаги энг катта кўрсаткич. Instagram расмий саҳифасини 382 млн одам кузатади.

Машҳурлар орасида иккинчи энг оммабоп аккаунт – америкалик қўшиқчи Ариана Гранденинг саҳифаси – 214 миллион обуначи, учинчи ўринда актёр, собиқ курашчи Дуейн “Скала” Жонсоннинг саҳифаси – 209 миллион обуначи.

Футболчилар орасида португалияликдан кейинги ўринни “Барселона” ҳужумичиси Лионел Месси эгаллади – 175 млн обуначи. Учинчи ўрин бразилиялик ҳужумчи Неймарга насиб қилди – 144 млн обуначи.

Аввалроқ, Роналду “Globe Soccer” нашрига кўра, XXI асрнинг энг яхши ўйинчиси деб топилганди. Шунингдек, Роналду спортдаги ютуқлари учун "Golden Foot" мукофотига сазовор бўлганди.