ПСЖ Салоҳ учун катта маошли шартнома таклиф қилди
Sport
−
03 January 2025 4626 1 minute
ПСЖ клуби Миср терма жамоаси ва “Ливерпуль” вингери Муҳаммад Салоҳни ёзги трансферлар ойнасида қўлга киритмоқчи. Бу ҳақда журналист Ромен Колле Гаудин X саҳифасида маълум қилди.
Манбага кўра, парижликлар “мерсисайдликлар” футболчисига ҳафтасига 500 минг евро ва 3 йиллик шартнома таклиф қилмоқда.
Шу ўринда, “Ливерпуль” 32 ёшли вингернинг шартномасини ҳафтасига 400 минг евро маош билан яна 2 мавсумга узайтиришга тайёр. Мисрликнинг амалдаги шартномаси эса 2025 йил ёзида тугайди.
Маълумот ўрнида, Салоҳ “мерсисайдликлар” сафига 2017 йил келиб қўшилган. Жорий мавсумда у жамоа таркибида барча мусобақаларда 26 та ўйинда майдонга тушиб, 20 та гол ва 17 ассист қайд этди.
