ПСЖ муддатидан аввал Франция чемпиони бўлди

Sport

−

06 April 2025 visibility4582 timer1 minute

Парижнинг ПСЖ клуби кеча, 5 апрель куни Франция чемпионати 28-тури доирасида “Анже”ни қабул қилиб, 1:0 ҳисобида ғалаба қозонди ва муддатидан аввал мамлакат чемпионига айланди.

Парижликлар Лига 1 да 74 очко жамғарган ҳолда, чемпионат якунига 6 тур қоланида чемпионликни тантана қилди. ПСЖ энг яқин таъқибчиси “Монако”ни нақд 24 очкога ортда қолдирди.

Шу тариқа, ПСЖ 13-бор Франция чемпионати ғолиби бўлди. Эндиликда Луис Энрике бошчилигидаги клуб бор эътиборини Европа Чемпионлар лигасига қаратади. Жамоа 10 апрелга ўтар кечаси “Астон Вилла”ни қабул қилади. Жавоб ўйини эса 16 апрелга ўтар кечаси бўлиб ўтади.

Author