Премьер-лиганинг энг яхши ёш футболчиси номи эълон қилинди

Англиянинг “Манчестер Сити” жамоасининг 21 ёшли футболчиси Нико О’Рейли 2025-2026 йилги мавсумдаги муваффақиятли ўйинлари учун Англия профессионал футбол лигаси (ПФА) томонидан йилнинг энг яхши ёш футболчиси деб топилди. Бу ҳақда клуб матбуот хизмати хабар берди.

Ушбу совриннинг ўзига хос жиҳати шундаки, ғолиб профессионал футболчиларнинг овоз бериш натижасига кўра аниқланади.

О’Рейли ўтган мавсумда “Манчестер Сити”нинг асосий футболчиларидан бирига айланди. У барча мусобақаларда 53 та учрашувда майдонга тушиб, 9 та гол урди ва 6 та голли узатмани амалга оширди.

Академияда асосан ярим ҳимоячи сифатида тарбияланган англиялик футболчи кейинчалик чап қанот ҳимоячиси сифатида ҳам муваффақиятли ҳаракат қилди.

О’Рейли ПФА томонидан йилнинг энг яхши ёш футболчиси деб топилган “Манчестер Сити”нинг тўртинчи футболчиси бўлди. Бунга қадар Лерой Сане, Рахим Стерлинг ва Фил Фоден ушбу совринни қўлга киритган. Фоден эса мукофотни икки марта ютиб олган.

Шунингдек, О’Рейли 2025-2026 йилги мавсумда “Этиҳад” стадионида “Манчестер Сити”нинг йил футболчиси деб ҳам топланган.