“Олтин тўп” менга берилиши керак – Фабиан Руис

ПСЖ ва Испания терма жамоаси ярим ҳимоячиси Фабиан Руис жорий мавсумдаги “Олтин тўп” мукофотига лойиқ эканлигини айтди. Бу ҳақда у TF1 телеканалидаги “Téléfoot” дастурига берган интервьюсида сўз очди.

“Жамоавий даражада ҳамма нарсани ютиб олдим. Шу қадар меҳнат қилганимдан сўнг, менга етишмаётган ягона соврин – “Олтин тўп”. Бу мукофот бутун дунё томонидан муносиб эътироф этилишимга ёрдам берган бўлар эди”, дейди Руис.

30 ёшли футболчи 2025-2026 йилги мавсумда ПСЖ билан Франция чемпионати ва Чемпионлар лигасида, Испания терма жамоаси билан эса Жаҳон чемпионатида ғолиб чиқди. Шунингдек, у ПСЖ сафида бир мавсумда ҳам Чемпионлар лигаси, ҳам Жаҳон чемпионатида ғолиб чиққан ягона футболчи ҳисобланади.

Аввалроқ, ПСЖ клуби бош мураббийи Луис Энрике ҳам “Олтин тўп”ни парижлик футболчилардан бири қўлга киритиши кераклигини айтган ва номзодлар орасида Фабиан Руис ҳамда Усмон Дембелени тилга олган эди.

Эслатиб ўтамиз, аввалроқ “Реал Мадрид” собиқ футболчиси Тонни Кросс “Олтин тўп”ни Хвича Кварацхелия қўлга киритиши кераклигини айтганди.