Мбаппе Франция терма жамоаси машғулотларида қатнашмади – ОАВ

Франция терма жамоаси ҳужумчиси ва сардори Килиан Мбаппе миллий терма жамоанинг машғулотида иштирок этмади. Бу ҳақда “L’Equipe” нашри хабар берди.

Манбага кўра, футболчида гриппга ўхшаш аломатлар кузатилган. Франция терма жамоаси жорий йилнинг 25 сентябрь куни янги Миллатлар лигасидаги илк учрашувини Туркияга қарши сафарда ўтказади.

Франция терма жамоаси жорий халқаро танаффусда Миллатлар лигаси доирасида тўртта учрашув ўтказади. Жамоа 25 ва 28 сентябрь кунлари сафарда Туркия ҳамда Бельгияга қарши, 2 ва 5 октябрь кунлари эса ўз майдонида, “Стад де Франс” стадионида Италия ва Бельгияга қарши баҳс олиб боради.

2026 йилги Жаҳон чемпионати якунланганидан сўнг Зинедин Зидан Франция терма жамоасининг янги бош мураббийи этиб тайинланди. У Дидье Дешам ўрнини эгаллаб, тўрт йиллик шартнома имзолади.

Маълумот учун, 27 ёшли Мбаппе Франция терма жамоаси билан 2018 йилда Россияда ўтказилган Жаҳон чемпионатида ғолиб чиққан. Шунингдек, у 2022 йилда Қатарда бўлиб ўтган мундиалда кумуш медалга сазовор бўлган. Мбаппе Жаҳон чемпионатлари тарихида энг кўп гол урган футболчилардан бири ҳисобланади.