Кремль Путин Мирзиёев билан қачон учрашишини очиқлади

World

−

04 October 2023 visibility11573 timer1 minute

6 октябрь куни Россия Президенти Владимир Путин Москвада расмий ташриф билан Россияга келаётган Ўзбекистон Президенти Шавкат Мирзиёев билан музокаралар ўтказади. Бу ҳақда Кремль матбуот хизмати хабар берди.

“Биз Россия-Ўзбекистон ҳар томонлама стратегик шериклик ва иттифоқчилик муносабатларини янада ривожлантириш истиқболларини, шунингдек, долзарб минтақавий ва халқаро муаммоларни муҳокама қилиш ниятидамиз”, дейилади хабарда.

Кремлнинг аниқлик киритишича, музокаралар якунида давлат раҳбарларининг қўшма баёноти қабул қилиниши, бир қатор идоралараро ва тижорат ҳужжатлари имзоланиши кутилмоқда.

Эслатиб ўтамиз, Ўзбекистон раҳбари матбуот хизмати аввалроқ Шавкат Мирзиёев Путиннинг таклифига биноан 5-7 октябр кунлари расмий ташриф билан Россияга бориши ҳақида хабар берган эди.

Author