Хвича Кварацхелия операция қилинди

Франциянинг “Пари Сен-Жермен” клуби грузиялик ярим ҳимоячиси Хвича Кварацхелия тиззасидаги олдинги хочсимон бойлам узилиши сабабли операция қилинди. Бу ҳақда клуб матбуот хизмати хабар берди.

Футболчи Қатар пойтахти Доҳа шаҳридаги Аспетар шифохонасида ўнг тиззасидан жарроҳлик амалиётини муваффақиятли ўтказди. Энди у тикланиш жараёнини бошлайди. Реабилитация қанча давом этиши ҳозирча маълум қилинмаган.

Кварацхелия Чемпионлар лигаси умумий босқичининг учинчи турида “Барселона”га қарши кечган ва ПСЖнинг 4:2 ҳисобидаги ғалабаси билан якунланган учрашувда жароҳат олган эди.

25 ёшли футболчи 2025 йил қишида “Пари Сен-Жермен” сафига қўшилган. У Париж клуби билан Чемпионлар лигаси, Франция чемпионати, UEFA Суперкубоги ва Қитъалараро кубокда ғолиб чиққан.

Кварацхелия фаолияти давомида Россиянинг “Локомотив”, “Рубин” ва Италиянинг “Наполи”, жамоалари сафида тўп сурган. “Наполи” сафида у Италия чемпионлигини қўлга киритган.