Қозоғистонда 32 ўзбекистонлик бўлган автобус ағдарилиб кетди
Local
−
30 December 2023 18101 1 minute
Қозоғистонда ичида 32 нафар Ўзбекистон фуқароси бўлган йўловчи автобуси ағдарилиб кетган. Бу ҳақда Қозоғистон ФВВ хабар берди.
Билдирилишича, воқеа 29 декабрь куни соат 18:50 да Айтекеби туманидаги Қорабутоқ-Қўстанай автомобиль йўлида содир бўлган. Ҳодиса жойига қутқарувчилар, маҳаллий ҳокимият вакиллари ва ички ишлар ходимлари етиб келган.
Екатеринбург-Чимкент йўналиши бўйлаб ҳаракатланаётган автобусдаги ўзбекистонликлар туман масжидига эвакуация қилинган.
“Йўловчилар орасида жабрланганлар йўқ”, дейилади ушбу хабарда.
Эслатиб ўтамиз, аввалроқ 9 декабрь куни Тожикистоннинг 26 нафар фуқароси ва икки нафар ўзбекистонлик совуқ об-ҳаво шароитида йўлда тўхтаб қолган автобусдан эвакуация қилинганди.
Live
All
