Қорақалпоғистонда 3 киши тупроқ босиб қолиши оқибатида вафот этди

Crime

−

09 June 2021 visibility10656 timer1 minute

Бугун, 9 июнь куни Қорақалпоғистоннинг Қўнғирот туманида ер остидан сув қувурини қазиб олаётган тўрт кишини тупроқ босиб қолди. Натижада уч киши ҳалок бўлди. Бу ҳақда Қорақалпоғистон прокуратураси хабар қилди.

Соат 05:30 ларда фуқаро С.У. (1990 й.т.), вояга етмаган С.К. (2006 й.т.), С.М. (2007 й.т.) ва Д.М. (2004 й.т.) билан “Суўенли” ОФЙ ҳудудининг чўл қумлик қисмида, ер остида бўлган сув қувурини қазиб олаётган вақтида, тупроқ ўпирилиб, уларни босиб қолган. Натижада фуқаролар С.У., С.К. ва С.М. воқеа жойида вафот этган, вояга етмаган Д.М. эса тупроқ остидан чиқариб олиниб, Қўнғирот туман тиббиёт бирлашмасига ётқизилган.

Мазкур ҳолат юзасидан Қўнғирот тумани прокуратураси томонидан терговга қадар текшириш ҳаракатлари олиб борилмоқда.

Натижаси бўйича қўшимча маълумот берилади.

Author