Google Трампнинг илтимосини рад этди

АҚШ Президенти Дональд Трамп Google компанияси раҳбариятига Атлантика океани номини ўзгартириш илтимоси билан мурожаат қилди, аммо рад жавобини олди. Бу ҳақда “The Guardian” хабар берди.

Қайд этилишича, АҚШ Президенти Google бош директори Сундар Пичаига қилган қўнғироғи ҳақида Жанубий Каролинадаги митингдаги чиқиши чоғида гапириб берган.

“Манга фақат иккита океан ёқади: Атлантика ва Тинч океани. Мен бошқа ҳеч бир океанга Трамп ёки Америка номини бериш ниятида эмасман, фақат шу иккитасидан ташқари. Шунинг учун биз Атлантика океани вариантини жиддий кўриб чиқдик ва мен Google Maps’га қўнғироқ қилдим, улар кўл масаласини аъло даражада уддалашган эди… Улар қўлтиқ билан боғлиқ ҳодисадан кейин ҳали ҳам ўзига келолмаяпти. Мен дедим: “Сундар, мен бу ерда Атлантика океани ҳақида ўйлаб чиқяпман”, дейди у.

Трампнинг айтишича, Пичаи рад жавобини берган ва буни шундай асослаган: 

“Йўқ, йўқ, йўқ. Бу сафар мен буни қила олмайман… Океанлар билан вазият бошқача, сэр. Улар жуда кўп мамлакатлар қирғоқларини ювиб туради. Илтимос, биздан буни сўраманг”.

Президент ўз ғоясидан воз кечишга ва океанни Атлантика номи билан қолдиришга қарор қилганини қўшимча қилган.

Google компанияси Трампнинг талаби билан географик номларни ўзгартиришга аллақачон икки марта рози бўлган. Аввалига Мексика қўлтиғи Америка қўлтиғи деб қайта номланган. Google хариталарида янги ном фақат АҚШ фойдаланувчилари учун кўринади.

Шундан сўнг, Онтарио кўли Америка кўли деб қайта номланган. Бу ҳолатда хариталардаги янги ном АҚШ аҳолисига кўринади, Канада аҳолиси аввалги номни кўради, дунёнинг қолган қисми учун эса бир вақтнинг ўзида иккала ном ҳам кўрсатилади.

Эслатиб ўтамиз, аввалроқ Дональд Трамп “сунъий интеллект”ни расман “супер интеллект” деб қайта номлагани ҳақида хабар берилган эди.