ФИФА президенти ўз лавозимини сақлаб қолди

Sport

−

06 June 2019 visibility13975 timer1 minute

Хабарингиз бор, аввалроқ, Франция пойтахтида Халқаро футбол федерациясининг навбатдаги йиғилиши бўлиб ўтаётгани ҳақида маълум қилган эдик.

Парижда бўлиб ўтаётган ФИФАнинг 69-конгрессида ташкилот президентилиги учун сайловлар ҳам ўтказилди. Сайловларда ФИФАнинг амалдаги президенти Жанни Инфантино ўз лавозимига қайта сайланди. Эндиликда у 2023 йилга қадар ФИФАга раҳбарлик қилади.

49 ёшли швейцариялик мутасадди ФИФА президентлигига ягона номзод эди. Инфантино ФИФАни 2016 йилдан бери бошқариб келмоқда. У коррупцияда айбланиб лавозимидан четлатилган Йозеф Блаттер ўрнига ФИФА президентлигига сайланганди.

Author