Чимёнда 2 киши жарликка тушиб кетди

−

26 April 2023 visibility9444 timer1 minute

Тошкент вилоятининг Бўстонлиқ тумани Чимён тоғи ҳудудида икки киши жарликка тушиб кетди. Бу ҳақда Фавқулодда вазиятлар вазирлиги Матбуот хизмати хабар берди.

Кеча, 25 апрель куни соат 17:02 да тоғдаги Қизилжар ҳудудида икки нафар фуқаро квадратциклда ҳаракатланиб кетаётган вақтида эҳтиётсизлик қилиб бошқарувни йўқотган. Оқибатда улар жарликка тушиб кетган.

Зудлик билан ҳодиса жойига ФВВ қутқарувчилари етиб бориб, тан жароҳати олган фуқароларга амалий ёрдам кўрсатган ва тез тиббий ёрдам ходимларига топширилган.