АҚШ ва Эрон бир-бирининг объектларига зарба берди

Эрон ҳарбийлари 31 августга ўтар кечаси Иорданиядаги иккита базага ҳужум қилиб, вертолётларга шикаст етказди ва дронларни йўқ қилди. Бу ҳақда Ислом инқилоби қўриқчилари корпуси (ИИҚК) маълум қилди.

“Файсал қироли ва Шаҳзода Ҳасаннинг Иорданиядаги базаларига уюштирилган ракета ва дронлар ҳужумидаги жавоб чораларининг биринчи босқичида F-15 самолётларига хизмат кўрсатиш ангарига зарба берилди. Бундан ташқари, ҳужум давомида дронларни тайёрлаш ангари ва 8 та MQ-9 дрони пўлaтдай йўқ қилинди, яна иккитаси жиддий шикастланди”, дейилади ИИМК матбуот хизмати баёнотида.

Теҳрон, шунингдек, АҚШнинг иккита вертолёти шикастланганини ҳамда ҳарбийлар жойлашган марказга берилган зарбалар оқибатида ҳалок бўлганлар ва ярадорлар борлигини таъкидламоқда. ИИҚКнинг аниқлик киритишича, ушбу зарбалар Эроннинг Ларак оролига қилинган Америка-Исроил ҳаво ҳужумига жавоб бўлган.

АҚШ Марказий қўмондонлиги Ларак оролидаги ИИҚКга тегишли иккита ракета қурилмасига зарба берилганини маълум қилди. Эрон ушбу қурилмалардан Ҳормуз бўғизига денгиз миналари ўрнатилган ракеталарни учиришда фойдаланмоқчи бўлгани тахмин қилинмоқда.

Шу билан бирга, “Fox News” телеканали манбага таяниб хабар беришича, АҚШнинг Иорданиядаги базаларига ҳозирча сезиларли зарар етказилмаган, деярли барча зарбалар қайтарилмоқда. “Reuters” агентлиги Иордания ҳукуматига таяниб хабар беришича, қироллик қўшинлари мамлакат ҳаво ҳудудига кирган 8 та ракетани тутиб олишга муваффақ бўлган.