Афғонистондаги масжидда жума намозидан кейин портлаш содир этилди

World

−

11 February 2022 visibility11259 timer1 minute

Бугун, 11 февраль куни жума намозидан сўнг Афғонистон шимоли-ғарбидаги Бодғис вилояти марказидаги масжидда портлаш содир бўлди. Оқибатда 8 киши ҳалок бўлган, 20 киши жароҳатланган. Бу ҳақда маҳаллий нашрлар хабар бермоқда.

Портлаш Кала-йи Нау масжидида содир бўлган. Бу вақтда ибодатга йиғилганлар масжидни тарк этаётган бўлган.

Портлаш қўл гранатаси орқали содир этилгани маълум қилинмоқда. Ҳозирча қўпорувчилик ҳаракатининг бошқа тафсилотлари очиқланмаяпти.

Author