67 йил ўқитувчилик қилган аёл рекорд ўрнатди
Interesting
−
04 February 15029 1 minute
АҚШнинг Мичиган штатида яшовчи 90 ёшли инглиз тили ўқитувчиси Беверли Ханнетт-Прайс узоқ йиллик самарали меҳнат фаолияти натижасида Гиннесснинг рекордлар китобидан жой олди. Бу ҳақда ташкилот расмий сайтида хабар берилди.
Тажрибали муаллима Ханнетт-Прайс ўз фаолиятини 1958 йилда бошлаган. Унинг меҳнат стажи 67 йилу 142 кунни ташкил этади. Ўқитувчининг қўлида таҳсил олган минглаб ўқувчилар орасида дунёга машҳур шахслар – актёр Робин Уильямс (марҳум) ҳамда Microsoft компаниясининг собиқ бош директори Стив Балмер ҳам бор.
Ҳозирда Беверли Ханнетт-Прайс Мичиган штатидаги “Detroit Country Day School” мактабида дарс беришни давом эттирмоқда. У ҳали-бери нафақага чиқиш ниятида эмас.
Эслатиб ўтамиз, аввалроқ Хитойда гуманоид робот 3 кунда 66 миль (106 км) пиёда юриб, Гиннесc рекордлар китобига киргани ҳақида хабар берилган эди.
Жамшидбек Амиров
Live
All
