18 ёшли спортчи “Италия гўзали” бўлди

Sport

−

23 September visibility2682 timer1 minute

Жорий йилнинг 21 сентябрь куни Рим яқинидаги Санта-Севера қалъасида “Мисс Италия” танлови бўлиб ўтди. 16 нафар иштирокчи ўртасида кечган танловда 18 ёшли синхрон сузувчи Сара Мария Рицеа ғолибликни қўлга киритди. Бу ҳақда турнир матбуот хизмати хабар берди.

Спортчининг энг муҳим ютуқларидан бири 2024 йилги синхрон сузиш бўйича Европа чемпионатида қўлга киритилган кумуш медалдир. У Филиппо Пелати билан техник аралаш жуфтлик баҳсида шоҳсупага кўтарилган. Рицеа, шунингдек, ўсмирлар ўртасидаги жаҳон чемпионатида бронза медалига сазовор бўлган.

Жаҳон кубоги босқичларида италиялик спортчининг ҳисобида битта кумуш ва учта бронза медали бор.

Гўзаллик танловида ғолиб бўлганидан кейин ҳам Рицеа спортдаги фаолиятини якунлаш ниятида эмас. У 2027 йилги Жаҳон чемпионатида иштирок этиш ва 2028 йилги Олимпиада ўйинларига йўлланма олишни режалаштирмоқда.

Author