Zomin tog‘larida yana yong‘in chiqdimi? FVV ma’lumot berdi (video)
3-sahifa
−
08 avgust 2021 6171
Bugun, 8 avgust kuni ijtimoiy tarmoqlarda Zomin milliy tabiat bog‘ida daraxtlar yonayotgani aks etgan videolavha tarqaldi. Holat yuzasidan Favqulotda vaziyatlar vazirligi Matbuot xizmati ma’lumot berdi.
Qayd etilishicha, soat 16:37 da Jizzax viloyati Favqulodda vaziyatlar boshqarmasiga Zomin milliy tabiat bog‘i hududida yong‘in sodir bo‘layotganligi to‘g‘risida xabar kelib tushgan.
Xabarga ko‘ra, FVV yong‘in-qutqaruv guruhlari zudlik bilan voqea joyiga yetib borgan. Hozirda yong‘inni bartaraf etish ishlari olib borilmoqda. Vaziyat to‘liq nazorat ostida.
Eslatib o‘tamiz, joriy yilning 1 agust kuni Jizzax viloyati Zomin tumanining tog‘li hududida yong‘in chiqqandi. Ushbu holatda 80 gektar maydon quruq o‘t va daraxtlar yongan. Yong‘inni bartaraf etishda 14 ta yong‘in o‘chirish ekipaji va 1 ta yong‘in qutqaruv otryadi, 4 ta vertolyot jalb etilgan.
Live
Barchasi