Jizzaxda xotinini pichoqlab o‘ldirgan “zamdirektor” 14 yilga “kesildi”
3-sahifa
−
29 iyun 2021 14736
Avvalroq, Jizzax viloyatida maktab direktori o‘rinbosari Telegram’dagi yozishmalar sabab xotinini o‘ldirib qo‘ygani haqida xabar bergan edik.
Jizzax viloyati IIB Matbuot xizmatining xabar berishicha, holat yuzasidan ochilgan jinoyat ishi materiallari sudda ko‘rib chiqilib, fuqaroga nisbatan sud hukmi o‘qildi.
Ma’lum qilinishicha, joriy yilning 30 mart kuni bir nechta tanishlari bilan alkogolli ichimlik iste’mol qilgan. Tungi soat 22:00 dan keyin uyga borgan erkak turmush o‘rtog‘i bilan o‘rtasida nizo chiqarib, uni xiyonatda ayblagan. Dahanaki mojaro janjalga aylanib, er oshxona pichog‘i bilan turmush o‘rtog‘ining bo‘yin qismiga zarba bergan. Natijada ayol vafot etgan.
Ayblanuvchi sud davomida qilmishiga to‘liq iqror bo‘ldi. Unga nisbatan Jinoyat kodeksining 97-moddasiga (qasddan odam o‘ldirish) ko‘ra 14 yilga ozodlikdan mahrum qilish jazosi tayinlandi.
Live
Barchasi07 noyabr 2023
07 noyabr 2023
07 noyabr 2023
