Jeyk Pol UFC’dagi eng tezkor nokautchini ringga chorladi

Avvalroq, taniqli YouTube blogeri amerikalik Jeyk Pol professional boksning yarim o‘rta vazn toifasida UFC sobiq chempioni Tayron Vudlini mag‘lub etganidan so‘ng, UFC’dagi eng tezkor nokaut sohibi Xorxe Masvidalga qarshi jang qilmoqchi ekanini ma’lum qilgan edi.

Shundan so‘ng, Jeyk akasi Logan “Impaulsive” deb nomlangan podkastida Masvidalga ehtimoliy jang bo‘yicha moliyaviy taklif berdi.

“Men senga besh million dollar va translyatsiyadan tushgan daromadning ma’lum qismini taklif qilaman. Kel, buni tashkil qilaylik. Bu faoliyatingdagi eng katta gonorar bo‘ladi. Dana esa seni shartnomadan ozod qilishi kerak”, deydi Logan Pol.

Xorxe o‘zining Twitter sahifasida blogerning chaqirig‘iga javoban bundan-da kattaroq summa taklif qilinsa, jangga rozilik berishi mumkinligini ta’kidlagan:

“UFC meni qo‘g‘irchoqbozlikka qo‘ymaydi. Lekin 20 million va PPV (translyatsiya) foizini kafolatla. Ishonchim komilki, promoushen bu kelishuvni hal qiladi. Keyin esa burningni sindirishni istayman. Agar uni soa olmasang, yonimga kel, biz bilan shartnoma imzola va qafasda boks tushishga roziman. Agar shartnomani buzsam, gonoraringni to‘layman”.

Eslatib o‘tamiz, YouTube yulduzi Vudli bilan jangni oltinchi raundda muddatidan avval tugatishga muvaffaq bo‘lgan edi. Pol o‘ng qo‘li bilan raqibini chuqur nokautga uchratdi.

Xorxe Masvidal esa UFC tarixidagi eng tezkor nokaut egasi hisoblanadi. U 2019 yil 6 iyulda o‘tkazilgan UFC 239 turnirida Ben Askrenni 5 soniyada mag‘lubiyatga uchratgan edi.