Jeff Bezos 500 million dollarlik yaxta sotib olmoqchi
Olam
−
09 may 2021 6958
Amazon kompaniyasi asoschisi Jeff Bezos narxi 500 million dollardan ortiqqa baholangan yaxtani sotib olishga qaror qildi. Bu haqda "Bloomberg" axborot manbalariga tayanib xabar bergan.
Xabarda aytilishicha, yaxtaning uzunligi 127 metrni tashkil etadi, unda bir necha paluba va uchta katta ustunlar bo‘ladi.
Bundan tashqari, unga vertolyot maydonchasi bo‘lgan yordamchi yaxta biriktiriladi.
Kema Gollandiyada qurilgan eng yirik suzib yuruvchi yaxtalardan biri bo‘lishi kutilmoqda.
Kema uchun mas’ul bo‘lgan Oceanco ishlab chiqaruvchisi vakili ushbu ma’lumot bo‘yicha izoh berishdan bosh tortgan.
Avvalroq, Jeff Bezosning sobiq rafiqasi, milliarder Makkenzi Skott amerikalik o‘qituvchi Den Jettga turmushga chiqqani haqida xabar bergandik.
Live
Barchasi
