JARda 24 yoshli futbolchi otib o‘ldirildi
Sport
−
05 aprel 8003
Janubiy Afrika Respublikasining “Kayzer Chifs” klubi futbolchisi Lyuk Flers yonilg‘i quyish shoxobchasida o‘ldirildi. Bu haqda “Daily Mirror” xabar berdi.
Manbaga ko‘ra, gumonlanuvchilar o‘qotar qurolni 24 yoshli futbolchiga qaratib, uni mashinadan chiqarib olgan, so‘ngra tanasining yuqori qismiga o‘q uzgan.
Futbolchining o‘limini “Kayzer Chifs” matbuot xizmati ham tasdiqladi.
“Qayg‘u bilan Lyuk Flers kecha tunda Yoxannesburgda fojiali tarzda vafot etganini e’lon qilamiz. Bizning duolarimiz og‘ir damda uning oilasi va do‘stlari bilan”, deyiladi klub bayonotida.
Ma’lumot uchun, Flers o‘tgan yilning oktyabr oyidan beri “Kayzer Chifs” jamoasida to‘p surib kelayotgandi. Bungacha himoyachi “SuperSport Yunayted” va “Ubuntu Keyptaun” klublarida o‘ynagan. U Janubiy Afrika Olimpiya terma jamoasida ham to‘p tepgan.
Live
Barchasi
