Japarov Mirziyoyevni YeOII oliy kengashi yig‘ilishiga taklif qildi
Jamiyat
−
08 aprel 2022
8235Bugun, 8 aprel kuni O‘zbekiston Respublikasi Prezidenti Shavkat Mirziyoyev va Qirg‘iziston Respublikasi Prezidenti Sadir Japarov o‘rtasida telefon muloqoti bo‘lib o‘tdi. Bu haqda Qirg‘iziston rahbari Matbuot xizmati xabar bermoqda.
Suhbat chog‘ida Shavkat Mirziyoyev Sadir Japarovni “Senterra” kompaniyasi bilan “Qumtor” oltin konining holati bo‘yicha muzokaralar muvaffaqiyatli yakunlangani va tegishli shartnoma imzolangani bilan tabriklagan.
Qayd etilishicha, davlat rahbarlari qirg‘iz-o‘zbek ikki tomonlama hamkorligining dolzarb masalalarini muhokama qilgan va mintaqaviy kun tartibidagi masalalar yuzasidan fikr almashganlar.
Prezident Sadir Japarov Botken viloyatida ikkita umumta’lim maktabi qurish, shuningdek, Bobur nomidagi O‘sh davlat akademik o‘zbek musiqali drama teatrini rekonstruksiya qilish masalasini hal qilgani uchun o‘z O‘zbekiston Prezidenti va davlatiga minnatdorlik bildirgan.
Sadir Japarov, shuningdek, Shavkat Mirziyoyevning Qirg‘izistonga rejalashtirilgan javob tashrifi, shubhasiz, ikki davlat o‘rtasidagi strategik sheriklik munosabatlarini yanada mustahkamlashga xizmat qilishiga ishonch bildirgan.
U 2022 yil 26-27 may kunlari Bishkek shahrida bo‘lib o‘tishi rejalashtirilgan Yevroosiyo iqtisodiy ittifoqi oliy kengashi va Yevroosiyo iqtisodiy forumida O‘zbekiston Prezidentining shaxsan ishtirok etishiga e’tibor qaratgan.
Suhbat yakunida ikki davlat rahbarlari muborak Ramazon oyi munosabati bilan bir-birlarini tabriklaganlar.
Hozircha rasmiy Toshkent ushbu muloqot haqida xabar bergani yo‘q.
LiveBarchasi
07 noyabr 2023
07 noyabr 2023
07 noyabr 2023