Jalolovning ehtimoliy raqibi va jangi sanasi aniq bo‘ldi

Havaskor boksdagi faoliyatini yakunlab, to‘liqligacha professional boksda faoliyat olib borayotgan o‘zbekistonlik bokschi Bahodir Jalolov navbatdagi jangini fransiyalik Devid Spilmontga qarshi o‘tkazishi mumkin. Bu haqda O‘zbekiston Professional boks federatsiyasi matbuot xizmati xabar berdi.

Manbaga ko‘ra, jang 2025 yilning 6 fevral kuni Kanadaning Monreal shahrida tashkil etiladigan profboks oqshomi doirasida tashkil etilishi kutilmoqda. 

Ma’lumot uchun, 30 yoshli Bahodir Jalolov professional boksdagi faoliyati davomida hozirga qadar 14 ta jang o‘tkazib, ularning barchasida g‘alaba qozongan. U so‘ngi jangini 2023 yil 17 noyabr kuni JAR vakili Kris Tompsonga qarshi o‘tkazib, ilk raunddayoq nokaut orqali zafar quchgandi. 

Uning ehtimoliy raqibi 33 yoshli Devid Spilmont esa shu kungacha 27 ta jang o‘tkazib, 16 g‘alaba, 8 mag‘lubiyat va 1 ta durang qayd etgan. G‘alabalarining 11 tasini nokaut orqali qo‘lga kiritgan.