Jahonning eng yaxshi 10 murabbiyi nomi e’lon qilindi

Jahonga mashhur France Football nashri jahon futboli tarixidagi eng yaxshi murabbiylar ro‘yxatini e’lon qildi.

O‘ziga xos reytingda birinchi pog‘onani Ayaks va Barselona sobiq murabbiyi Rinus Mixels egallagan bo‘lsa, nashr tomonidan ikkinchi pog‘ona shotlandiyalik Ser Aleks Fergyusonga, uchinchi pog‘ona esa italiyalik Arigo Sakki nasib etdi.

Afsonaviy murabbiy Valeriy Lobanovskiy ro‘yxatning oltinchi pog‘onasida qayd etildi. Hozirda faoliyatini davom ettirayotgan murabbiylardan faqatgina Xosep Gvardiola kuchli beshtalikka kiritilgan.

Reytingni tuzishda murabbiylarning erishgan yutuqlari, shaxsiy muvafaqqiyatlari va murabbiy sifatidagi ta’siri ham e’tiborga olingan. Quyida kuchli o‘ntalikka kiritilgan murabbiylar ketma-ketligini e’tiboringizga havola etamiz.

1. Rinus Mixels (Gollandiya)
2. Aleks Fergyuson (Shotlandiya)
3. Arrigo Sakki (Italiya)
4. Yoxan Kroyff (Gollandiya)
5. Xosep Gvardiola (Ispaniya)
6. Valeriy Lobanovskiy (SSSR / Ukraina)
7. Elenio Errera (Argentina / Fransiya)
8. Karlo Anchelotti (Italiya)
9. Ernst Xappel (Avstriya)
10. Bill Shenkli (Shotlandiya).