Zelenskiy Donbass bo‘yicha Ukraina delegatsiyasini tarqatib yubordi

Olam 7799
image
-

Ukraina Prezidenti Vladimir Zelenskiy Ukraina delegatsiyasining mamlakat sharqidagi vaziyatni tartibga solish bo‘yicha Uch tomonlama aloqa guruhida (UAG) ishtirok etishi haqidagi farmonni kuchini yo‘qotgan deb e’lon qildi. Tegishli buyruq kecha, 1 sentyabrt kuni Ukraina davlati rahbarining internetdagi rasmiy vakolatxonasi saytida e’lon qilindi.

Shunday qilib, 2020 yil 5 maydagi 167-son Farmon va unga kiritilgan bir qator keyingi o‘zgartirishlar (jami yettita farmon) bekor qilindi.

UAG 2014 yilning yozida, shu jumladan Normand formatida (Germaniya, Fransiya, Rossiya, Ukraina) qabul qilingan qarorlarni amalga oshirish uchun tuzilgan. Donbass guruhidagi Rossiya vakillari urush boshlanishi arafasida 18 fevralga belgilangan navbatdan tashqari yig‘ilishda qatnashishdan bosh tortgan.

Ukrainaning birinchi Prezidenti Leonid Kravchuk Kiyev nomidan formatni 2020 yil iyulidan 2022 yil fevraligacha boshqargan. Guruh tarkibiga Yevropada Xavfsizlik va Hamkorlik Tashkiloti, Rossiya va Ukraina vakillari kirgan. UAG doirasida, xususan, 2020 yil iyul oyida to‘liq va keng qamrovli o‘t ochishni to‘xtatish bo‘yicha kelishuvlarga erishilgan edi.

Kravchuk joriy yilning may oyida 88 yoshida vafot etdi. U Ukrainani 1991-1994 yillarda boshqargan.

Sunnatilla Abdullayev
Maqolaga baho bering
Baholaganlar: 309
Reyting: 2.9
t
×