Yevroosiyo banki O‘zbekistondagi faoliyatini tugatdi

O‘zbekiston Markaziy banki Boshqaruvining 2025 yil 27 avgustdagi 22/1-sonli qaroriga muvofiq, “Yevroosiyo Banki” aksiyadorlik jamiyatidan bank faoliyatini amalga oshirish huquqini beruvchi litsenziya chaqirib olindi. Bu haqda Markaziy bank ma’lum qildi.

Bildirilishicha, bank tomonidan ustav kapitali miqdori qonunchilikda belgilangan eng kam talablarga muvofiqlashtirilmagani hamda banklar va bank faoliyati to‘g‘risidagi qonunchilikda belgilangan boshqa talablar bajarilmagani sababli ushbu qaror qabul qilingan.

“O‘zbekiston Respublikasining Markaziy banki to‘g‘risida”gi, “Banklar va bank faoliyati to‘g‘risida”gi qonunlar va boshqa qonunchilik hujjatlariga asosan, bankni majburiy tugatish hamda tugatish komissiyasini tayinlash to‘g‘risida qaror qabul qilindi”, deyiladi xabarda.

Yevroosiyo bankining o‘zi ham holatga izoh berdi. Bildirilishicha, bankning O‘zbekistondagi faoliyatini tugatgani Qozog‘istonda biznesni rivojlantirish bo‘yicha ilgari qabul qilingan strategik qarorning mantiqiy yakuniga aylangan.

O‘zbekiston bankiga investitsiyalarni tugatish Boshqaruvi va rejissellar kengashi tomonidan tartibga solinuvchi tomonidan rasmiy xabar berishdan ancha oldin tasdiqlandi.

“Boshqaruv va direktorlar kengashi O‘zbekistondagi bankka investitsiyalarni to‘xtatishni regulyator tomonidan rasmiy ogohlantirish berilishidan ancha oldinroq ma’qullangan edi.

Asosiy e’tiborni Qozog‘iston bozoriga qaratish bankka yangi loyihalarni amalga oshirish hamda mijozlar va hamkorlar uchun eng salohiyatli segmentlardagi pozitsiyalarni mustahkamlash imkonini beradi”, deyiladi Yevroosiyo bankining munosabatida.

Ma’lumot uchun, Yevrosiyo bankiga 1994 yilda Qozog‘istonda asos solingan. Uning bosh ofisi Olmaota shahrida joylashgan. Bank 2024 yil yanvar oyida O‘zbekistonda litsenziya olgan. 2025 yil 1 avgust holatiga, bankning depozit va kredit portfeli nolga teng, kapitali esa 104 mlrd so‘mni tashkil etgan, bu talab etiladigan minimal miqdordan 5 barobarga kam. Bank 2025 yilning birinchi yarmini 51,6 mlrd so‘m zarar bilan yakunlagan.