Yengilmas Meyvezer ringga qaytmoqda
Sport
−
14 may 3015
Besh yo‘nalishda sobiq jahon chempioni amerikalik Floyd Meyvezer 24 avgust kuni Meksikada Viktor Ortis bilan ko‘rgazmali revansh jangida qatnashadi. Bu haqda mashhur sharhlovchi Salvador Rodriges o‘z X sahifasida xabar berdi.
“Menga Meyvezer 24 avgust kuni “Plaza de Toros Mexiko”da Ortisga qarshi ko‘rgazmali jang e’lon qilishini aytishdi”, deydi Rodriges.
Meyvezer va Ortis 2011 yil sentyabrida ham jang qilgan. O‘shanda Floyd to‘rtinchi raundda raqibini nokautga uchratgan. Uning hisobida 50 ta g‘alaba (27 tasi nokaut) bor. Viktor esa 33 ta g‘alaba (25 tasi nokaut bilan), 7 ta mag‘lubiyat va 3 ta durang qayd etgan.
Meyvezer so‘nggi bor 2023 yil iyun oyida MMA jangchisi Jon Gottiga qarshi ringga chiqqan edi. Bu jangda Floydning raqibi ko‘plab qoidalarni buzgani uchun diskvalifikatsiya qilingandi.
Live
Barchasi
