YeCHLda pley-offga chiqqan 14 ta jamoa aniq bo‘ldi

Joriy yilning 12 dekabr kuni Yevropa Chempionlar ligasi (YeCHL) 2023/2024 yilgi mavsumi guruh bosqichining 6-turidan o‘rin olgan o‘yinlar bo‘lib o‘tdi.

Natijalarga ko‘ra, uchta jamoa YeCHL pley-off bosqichida ishtirok etishini kafolatladi. Turnirda Italiyaning “Napoli”, Daniyaning “Kopengagen” va Niderlandiyaning PSV klublari o‘z yurishini davom ettiradi.

Bir tur avval esa “Manchester Siti”, “Bavariya”, “Inter”, “Real Sosedad”, “Real Madrid”, “RB Leypsig”, “Atletiko Madrid”, “Barselona”, “  Borussiya Dortmund”, “Latsio” va “Arsenal” guruhdan chiqish masalasini hal qilgandi..

Ma’lumot uchun, 2022/2023 yilgi mavsum Yevropa Chempionlar ligasi g‘olibi Angliyaning “Manchester Siti” klubi hisoblanadi. Hal qiluvchi bahsda Pep Gvardiola shogirdlari “Inter” ustidan 1:0 hisobida zafar quchgandi. Uchrashuvdagi yagona gol 68-daqiqada  “Manchester Siti”ning ispaniyalik yarim himoyachisi Rodri tomonidan kiritildi. Shunday qilib, “shaharliklar” o‘z tarixlarida ilk bor Yevropa Chempionlar ligasida g‘olib chiqqandi.