Yaponiya yaqin yillarda qog‘ozli darsliklardan butunlay voz kechishi mumkin

Yaponiya bugun, 24 sentyabr kuni maktablarda darsliklardan faqat raqamli shaklda foydalanishga ruxsat berishga qaror qildi, hukumat bu bosqichni 2030 moliyaviy yildan boshlab davlat boshlang‘ich maktablarida joriy etmoqchi. Bu haqda “Kyodo News” xabar berdi.

Ta’lim vazirligi ishchi guruhi tomonidan tasdiqlangan o‘zgartirish mahalliy ta’lim kengashlariga faqat raqamli darsliklarni qabul qilish, ularni qog‘ozlar bilan bir qatorda qo‘llash yoki faqat qog‘oz darsliklarga “yopishib olish” imkoniyatlarini beradi.

Ta’lim bo‘yicha Markaziy Kengashning ta’kidlashicha, bu harakat darsliklarni kengroq tanlashga olib keladi, jamiyatning tobora raqamli tabiatiga mos keladigan o‘rganishni osonlashtiradi va yangi, ijodiy o‘qitish usullarini yaratadi. Biroq ayrim ekspertlar raqamli darsliklardan foydalanish o‘qituvchilar va darslik nashriyotchilari zimmasiga yukni oshirib, o‘quvchilarning ko‘rish qobiliyati va boshqa sog‘liq muammolarini keltirib chiqarishi mumkinligidan xavotir bildirdi.

Ta’lim, madaniyat, sport, fan va texnologiyalar vazirligi 2026 yilgi navbatdagi Diet sessiyasida tegishli qonunlarga o‘zgartirishlar kiritish bo‘yicha qonun loyihalarini taqdim etishni maqsad qilgan.

Raqamli darsliklar Yaponiyada allaqachon qo‘llanmoqda, biroq “muqobil o‘quv qo‘llanmalari” sifatida alohida hukumat ruxsatini talab qilmaydi, chunki ular allaqachon qog‘oz darsliklarning nusxalariga aylanib, ovoz chiqarib o‘qish funksiyalari bilan jihozlangan.

Yangi tizimga ko‘ra, darsliklardagi QR-kodlar orqali foydalanish mumkin bo‘lgan raqamli darsliklar va o‘quv qo‘llanmalari yangidan saralashdan o‘tkaziladi, chunki ishchi guruh kontent sifatini ta’minlashga harakat qiladi. Vazirlik sinflarda raqamli materiallardan foydalanish bo‘yicha ko‘rsatmalar yaratishi kutilmoqda, chunki guruh har bir fanning o‘ziga xos xususiyatlarini va o‘quvchilarning rivojlanish bosqichini hisobga olishni zarur, deb topdi.

Eslatib o‘tamiz, avvalroq Maktabgacha va maktab ta’limi vaziri o‘rinbosari Sardor Rajabov O‘zbekistonda maktab ta’limi 12 yillik tizimga o‘tkazilishi kutilayotganini aytgandi. Bundan ko‘zlangan maqsad ta’lim sifati va milliy ta’limni xalqaro ta’lim bilan integratsiya qilishdir.

Mohichehra Qadamova