Yaponiya imperatori yangi hukumat tarkibini tasdiqladi

Yaponiya imperatori Naruxito mamlakatning yangi Bosh vaziri Sigeru Isiba tomonidan taklif etilgan mamlakat hukumatining yangi tarkibini tasdiqladi. Bu haqda NHK xabar berdi.

Tasdiqlash marosimi Tokiodagi Imperator saroyida bo‘lib o‘tdi. Hukumatning yangi tarkibi avvalroq Vazirlar Mahkamasi Bosh kotibi Yosimasa Xayasi tomonidan e’lon qilingan edi, u o‘z lavozimini saqlab qoldi. Sobiq mudofaa vaziri Takesi Ivaya Yaponiya Tashqi ishlar vazirligiga rahbarlik qildi. U 2018-2019 yillarda mamlakat Mudofaa vazirligini boshqargan. 2014 yildan 2016 yilgacha bo‘lim boshlig‘i bo‘lgan Gen Nakatani yangi Mudofaa vaziri etib tayinlandi.

“Kyodo” ma’lumotlariga ko‘ra, yangi Bosh vazir tayinlanishi xalqning siyosatga bo‘lgan ishonchi past, iqtisodiyotning beqarorligi va xavfsizlikka tahdidlar kuchaygan davrga to‘g‘ri keladi. Isiba Tashqi ishlar vaziri va Mudofaa vaziri lavozimlarini ikki tarafdoriga topshirdi.

“Ular yangi Bosh vazirning Yaponiyaning global roli va maqsadlari haqidagi fikrlari bilan o‘rtoqlashadi”, deya yozgan agentlik.

Imperator tasdiqlagan vazirlar ro‘yxati:

• Seyichiro Murakami – Ichki ishlar va kommunikatsiyalar vaziri;
• Xideki Makixara – Adliya vaziri;
• Takesi Ivaya – Tashqi ishlar vaziri;
• Katsunobu Kato – Moliya vaziri;
• Tosiko Abe – Ta’lim, madaniyat, sport, fan va texnologiyalar vaziri;
• Susumaro Fukuoka – Sog‘liqni saqlash, mehnat va farovonlik vaziri;
• Yasuhiro Ozato – Qishloq xo‘jaligi vaziri;
• Yoshixaru Muto – Iqtisodiyot, savdo va sanoat vaziri ;
• Tetsuo Saito – Yer, infratuzilma, transport va turizm vaziri;
• Keyitiro Asao – Atrof-muhit vaziri;
• Gen Nakatani – Mudofaa vaziri;
• Yosimasa Xayasi – Vazirlar Mahkamasi Bosh kotibi;
• Masaaki Xira – raqamli vazir sifatida;
• Tadahiko Ito – Rekonstruksiya vaziri;
• Manabu Sakai – Milliy jamoat xavfsizligi komissiyasi raisi;
• Dzyunko Mixara – Bolalar siyosati vaziri;
• Ryomasa Akazava – Iqtisodiyotni jonlantirish vaziri;
• Minoru Jouchi – Iqtisodiyot va xavfsizlik vaziri;
• Yoshitaka Ito – Mintaqaviy jonlantirish vaziri;
• Akixisa Nagasima – Bosh vazirning yangi maslahatchisi.

Yaponiya parlamenti quyi palatasi 9 oktyabrda tarqatib yuborilishi, 27 oktyabrda esa navbatdan tashqari umumiy saylovlar o‘tkazilishi kutilmoqda.

Eslatib o‘tamiz, avvalroq Tokioda bo‘lib o‘tgan Vakillar palatasining yalpi majlisida Yaponiyaning hukmron Liberal-demokratik partiyasining yangi rahbari Sigeru Isiba Bosh vazir etib saylandi. Sigeru Isiba LDPdagi eng tajribali siyosatchilardan biri bo‘lib, bir necha davlat lavozimlarida ishlagan: Mudofaa vaziri (2007-2008), Qishloq xo‘jaligi vaziri (2008-2009) va Aholi sonining qisqarishiga qarshi kurashish va mahalliy iqtisodiyotni jonlantirish vaziri (2014-2016).

2002 yildan 2004 yilgacha Isiba Milliy mudofaa agentligini boshqargan va Yaponiya o‘zini o‘zi mudofaa qilish kuchlarini o‘zgartirishdagi asosiy shaxslardan biriga aylandi. Rasmiy Yaponiyaning birinchi razvedka sun’iy yo‘ldoshining muvaffaqiyatli uchirilishi va SM-3 Blok IIA ballistik raketasining Qo‘shma Shtatlar bilan birgalikda ishlab chiqilishini nazorat qildi, shuningdek, Yaponiya harbiy xizmatchilarining 2003 yilda BMT Xavfsizlik Kengashi ruxsatisiz xorijda birinchi marta – Iroqqa joylashtirilishiga yordam berdi.