Yangiyo‘lga yangi hokim tayinlandi
Jamiyat
−
15 Noyabr 2024 8718 1 daqiqa
Bugun, 15 noyabr kuni bo‘lib o‘tgan Xalq deputatlari Yangiyo‘l shahar kengashining navbatdan tashqari sessiyasida Ravshan Isoqjonovich Raimov Yangiyo‘l shahri hokimi etib tayinlandi. Bu haqda Toshkent viloyati hokimligi xabar berdi.
U tayinlovga qadar Toshkent shahar davlat soliq boshqarmasi boshlig‘i o‘rinbosari vazifasida ishlab kelayotgan edi.
Ma’lumot uchun, Ravshan Raimov 1976 yilda Toshkent shahrida tug‘ilgan. Ma’lumoti oliy. Mutaxassisligi – iqtisodchi.
U faoliyati davomida Davlat soliq tizimida bir qator rahbarlik lavozimlarda, shuningdek, 2020-2023 yillarda Toshkent viloyati davlat soliq boshqarmasi boshlig‘i vazifasida ishlagan.
Eslatib o‘tamiz, avvalroq Yangiyo‘l shahar hokimi Dilshod Sultonov lavozimidan ozod etilgandi. Uning ishdan olinishining sababi ochiqlanmagan.
