“Yangiobod” bozorida yong‘in sodir bo‘ldi
Jamiyat
−
13 fevral 2022 7543
Yashnobod tumanida sodir bo‘lgan yong‘in yuzasidan ma’lumot
Bugun, 13 fevral kuni soat 07:48 da Toshkent shahar Yashnobod tumani Yangiobod ko‘chasida joylashgan “Yangiobod” bozor hududida yong‘in sodir bo‘ldi. Bu haqda FVV xabar berdi.
Qayd etilishicha, 4 ta yong‘in-qutqaruv ekipaji voqea joyiga soat 07:52 da yetib borib, yong‘in soat 08:11 da o‘rab olingan va soat 08:17 da bartaraf etilgan.
Yong‘in natijasida bozor hududida joylashgan oshxona, somsaxona va rastalarining taxminan 120 kv.m. maydonda tomi, shifti va jihozlari yonib zararlangan.
Hodisa oqibatida tan jarohati olgan va halok bo‘lganlar yo‘q.
Hozirda yong‘inning kelib chiqish sababi va keltirilgan moddiy zarar miqdori aniqlanmoqda.
Live
Barchasi
