Yangilangan WBA reytingiga 6 nafar o‘zbekistonlik bokschi kiritildi

Butunjahon boks assotsiatsiyasi (WBA) professional bokschilarning reytingini yangiladi va reytingga 6 nafar O‘zbekiston vakili kiritildi. Bu haqda O‘zbekiston Professional boks federatsiyasi matbuot xizmati xabar berdi.

Manbaga ko‘ra, o‘zbekistonlik bokschilarda katta o‘zgarishlar qayd etilmagan. Faqatgina Hasanboy Do‘smatov bir pog‘onaga pastlagan.

Reyting: 

• Hasanboy Do‘smatov - (minimal vazn) 2-o‘rin (o‘tgan oy 1-o‘rinda edi;)
• Murodjon Ahmadaliyev (birinchi yarimengil vazn) - vaqtinchalik chempion;
• Otabek Xolmatov (yarimengil vazn) - o‘tgan oydagi singari 4-o‘rin;
• Shahram G‘iyosov (yarimo‘rta vazn) - o‘tgan oydagi singari 1-o‘rin;
• Isroil Madrimov (super yarimo‘rta vazn) - 4-o‘rin (o‘tgan oyda ham 4-o‘rinda edi);
• Bektemir Meliqo‘ziyev (super o‘rta vazn) - 3-o‘rin (o‘tgan oy ham 3-o‘rinda edi).

Eslatib o‘tamiz, avvalroq Murodjon Ahmadaliyevning raqibi yaponiyalik Naoya Inoue bo‘lajak jangini qachon o‘tkazishi xabar qilingandi.