Yangilangan P4P reytingi e’lon qilindi

Yengil vazn toifasida UFC chempioni avstraliyalik Aleksandr Volkanovski vazn toifasidan qat’i nazar promoushenning eng yaxshi jangchilari (P4P) reytingida 1-pog‘onaga ko‘tarildi. Yangi reyting UFC saytida e’lon qilindi.

Aleksandr Volkanovski bir pog‘ona yuqorilab, amerikalik UFC chempioni  Jon Jons bilan 1-o‘rinni egalladi.

Oxirgi jangini Volkanovski joriy yilning 9 iyul kuni Las-Vegasda meksikalik Yair Rodrigesga qarshi o‘tkazib, raqibini 3-raundda texnik nokautga uchratgan edi. Avstraliyalik sportchi yengil vazn toifasida UFC chempionlik kamarini beshinchi bor himoya qildi. Rodrigesga qarshi to‘qnashuv Volkanovskining rossiyalik UFC chempioni Islom Maxachevga yutqazganidan keyingi birinchi jangi bo‘ldi. 

Fevral oyida rossiyalik sportchi Volkanovskini hakamlarning bir ovozdan chiqargan qarori bilan mag‘lub etdi. Maxachev vazn toifasidan qat’i nazar, eng yaxshi UFC jangchilari reytingida 3-o‘rinni egalladi.