Yangi Toshkent shahriga Toshkent viloyatidan qancha gektar qo‘shilishi ma’lum bo‘ldi

Jamiyat

−

31 may 2023 visibility13417

Yangi Toshkent shahrini barpo etish maqsadida Toshkent viloyatining Yuqori Chirchiq va O‘rta Chirchiq tumanlaridan jami 19729,4 gektar yer maydoni ajratilmoqda. Shundan 12905,7 gektar qishloq xo‘jaligi yerlari va 6823,7 gektar boshqa yer toifasidagi yerlar hisoblanadi. Bu haqda O‘zA xabar berdi.

Ma’lum qilinishicha, mazkur yerlardan foydanuvchilar 772 tani tashkil etmoqda:

fermer xo‘jaliklari va boshqa qishloq xo‘jaligi korxonalari yerlari – 13185 gektar (242 ta);
yordamchi xo‘jaliklar va issiqxona yerlari – 203,8 gektar (49ta);
dehqon xo‘jaliklari – 323,5 gektar (100 ta);
o‘zga yerdan foydalanuvchilar – 2263,2 gektar (379 ta);
aholi tomorqalari – 3012,6 gektar;
mahalliy hokimiyat zahirasidagi yerlar – 60,5 gektar (2 ta);
kanallar va yo‘llarga ajratilgan yerlar – 680,5 gektar.