Yangi mavsumda kimlar “Real”ga sardorlik qiladi?
Sport
−
04 iyul 2023
2322Ispaniyaning “Real Madrid” klubi 2023/24 yilgi mavsumdagi sardorlarni tanishtirdi.
Yangi mavsumda jamoaning asosiy sardori himoyachi Nacho Fernandes bo‘ladi. Luka Modrich esa jamoa vitse-sardori deb e’lon qilindi. Jamoaning 3-sardori vazifasini Dani Karvaxal bajaradi. 4-sardor vazifasi esa Toni Kroosga yuklatildi.
2022/23 yilgi mavsumda madridliklar jamoasining asosiy sardori fransiyalik futbolchi Karim Benzema bo‘lib, u mavsum oxirida Saudiya Arabistonining “Al-Ittihod” klubiga o‘tdi.
“Real Madrid” yangi mavsumdagi ilk o‘yinini 13 avgust kuni o‘tkazadi – jamoa La Liganing 1-turida “Atletik” klubiga qarshi bahs olib boradi.