Yana bir top futbolchi Saudiya klubiga o‘tdi
Sport
−
30 iyun 2023 5293
“Liverpul”ning braziliyalik futbolchisi Roberto Firmino faoliyatini Saudiya Arabistonining “Al-Ahli” jamoasida davom ettiradigan bo‘ldi. Bu haqda futbol jurnalisti Fabritsio Romano o‘z Twitter sahifasida ma’lum qildi.
Manbaga ko‘ra, “Liverpul”da so‘nggi 8 mavsumni o‘tkazgan 31 yoshli braziliyalik Saudiya Arabistoni klubi bilan 2026 yilning iyunigacha shartnoma imzolagan. U yangi klubiga erkin agent sifatida kelib qo‘shiladi.
Transfer amalga oshishi uchun Firmino tibbiy ko‘rikdan o‘tishi kerak, xolos.
Bir necha kun oldin “Chelsi” darvozaboni Eduard Mendi ham aynan “Al-Ahli” klubiga ko‘chib o‘tgandi.
Firmino o‘tgan mavsumda APLning 25 o‘yinida 11 ta gol urdi va 4 ta golli uzatmani amalga oshirdi.
Live
Barchasi
