Yana bir mashhur portal O‘zbekistonning JCH-2026'ga chiqish imkoniyatini baholadi

O‘zbekiston milliy terma jomasining Jahon chempionatiga to‘g‘ridan-to‘g‘ri yo‘llanmani qo‘lga kiritish imkoniyatini 92.6 foizga baholamoqda. Bu haqda “We Global Football” xabar berdi.

Temur Kapadze boshchiligidagi O‘zbekiston milliy terma jamoasi 3-saralash 7-turida Qirg‘izistonga qarshi 1:0 hisobidagi g‘alabadan keyin mundialga chiqish uchun Yaponiya, Eron va Janubiy Koreyadan keyingi asosiy da’vogar bo‘lib turibdi. 

“A” guruhida Eronning imkoniyatlari eng yuqori baholangan. Forslarning 7-turdan so‘ng mundialga chiqish ehtimoli 100 foizga yetdi. Ikkinchi o‘rinni egallab turgan O‘zbekiston tarixda ilk bor to‘rt yillikning eng muhim turnirida ishtirok etishi taxmin qilingan. 7-turda mag‘lubiyat alamini tatib ko‘rgan Birlashgan Arab Amirligi termasining mundialga chiqishi 6 foizga baholangan. Qatarda esa ushbu ko‘rsatkich 1.3 % deb taxmin qilingan. Guruh autsayderlari Qirg‘iziston va Shimoliy Koreyada 2026 yilda bo‘lib o‘tadigan Jahon chempionatiga borish ehtimoli 0 foizga baholandi.

Ma’lumot o‘rnida, AQSH, Meksika va Kanada maydonlarida o‘tadigan musobaqa uchun Osiyo qit’asiga 8.5 ta kvota ajratilgan. Uchta guruhdagi 1 va 2-o‘rinlarni egallagan jamoalar to‘g‘ridan to‘g‘ri yo‘llanmani qo‘lga kiritsa, guruhlardagi 3 va 4-o‘rinni qo‘lga kiritgan terma jamoalar pley-offlar orqali 2.5 ta yo‘llanma uchun kurash olib boradi.

O‘zbekiston terma jamoasi 7-turdan keyin 16 ochko jamg‘arib, “A” guruhida 2-o‘rinni egallab kelmoqda. Peshqadam Eron19 ochkoni qo‘lga kiritgan. BAA va Qatar 10 tadan ochko to‘plab, 3 va 4-o‘rinlarni band etgan. Qirg‘iziston 3 va Shimoliy Koreya 2 ochko bilan so‘nggi pog‘onalarni egallab turibdi. 

Eslatib o‘tamiz, avvalroq, “Football meets data” tomonidan O‘zbekistonning Jahon chempionatiga chiqish imkoniyati 88 foizga baholagani haqida xabar berilgan edi.