Vitaminlarni qachon qabul qilish kerak?

So‘nggi vaqtlarda har qanday sababga ko‘ra vitaminlarni qabul qilish urfga kirdi. Shamollab qoldingizmi? Vitamin iching. Ishda asabiylashyapsizmi? Bu vitamin yetishmasligi bilan bog‘liq. Sochlaringiz to‘kilyaptimi? Sizga albatta vitaminlar kerak. Bir tomondan, bunda asos bor.

Bu haqda Tibbiyot fanlari nomzodi, doktor Irina Yuzup yozadi.

Darhaqiqat, ko‘pchilik, ayniqsa qishdan keyin gipovitaminozga (bir yoki bir nechta vitamin yetishmasligi) duch keladi. Ammo, boshqa tomondan, ularning nazoratsiz ishlatilishi hatto saraton rivojlanishiga olib kelishi mumkin. Xo‘sh, ularni qanday to‘g‘ri iste’mol qilish kerak?

Mutaxassislarning fikriga ko‘ra, yangi uzilgan mevalar, sabzavotlar haqiqatan ham juda ko‘p vitaminlarni o‘z ichiga oladi. Ammo ular inson tanasini barcha kerakli mikroelementlar bilan 100% ta’minlashga qodir emas. Yerdan endi uzilgan sabzavotlar, mevalar va rezavorlarning tarkibidagi vitaminlar xona haroratida yorug‘lik va kislorod ta’sirida tezda yo‘qoladi. Masalan, C vitaminiga boy ko‘katlar ikki kun ichida tarkibidagi 80 foizgacha foydali fermentlarni yo‘qotadi. Agar ko‘katlar muzlatkichda saqlansa, yo‘qotishlar atigi 8 foizni tashkil qiladi. Shunday qilib, bozorda bir necha kun yotgan ko‘katlar deyarli vitaminlarni o‘z ichiga olmaydi.

Vitaminlarni qaysi payt qabul qilish kerak?

Suvda eruvchan B guruhi vitaminlari

Hujayra metabolizmida muhim rol o‘ynaydigan va tanani kun bo‘yi qo‘shimcha energiya bilan ta’minlovchi B guruhi vitaminlarini kuniga bir marta, nonushta paytida qabul qilish tavsiya etiladi. Bu guruh vitaminlarini ertalab qabul qilish mahsuldorlikni oshiradi va uyquni qochiradi. Ko‘pincha B vitaminlarini kompleks, ya’ni birga qabul qilish tavsiya etiladi.

D Vitamini

Ushbu vitamin asab tizimini rag‘batlantiradi, shuning uchun uni ertalab yoki tushdan keyin darhol qabul qilish yaxshiroqdir. Mutaxassislar uni yog‘li oziq-ovqatlar bilan iste’mol qilishni tavsiya etadi, chunki u yog‘da eriydi. Biroq, so‘nggi tadqiqotlarga ko‘ra, D vitaminining samaradorligi oziq-ovqat iste’moliga bog‘liq emas.

C vitamini

Bu vitaminni kunning istalgan vaqtida qabul qilish mumkin, ammo yaxshi samara berishi uchun uni bir stakan suv bilan ichish kerak. Shuningdek, temir moddasining so‘rilishini yaxshilashni yodda tutish, temir tanqisligi kuzatilganda umumlashtirish tavsiya qilinadi.

Yog‘da eriydigan vitaminlar (A, E, K)

Ularni istalgan vaqtda ichish mumkin, lekin har doim yog‘li ovqatlar bilan, shuningdek, yog‘, yong‘oq, avokado, yogurt bilan aralashtirilgan salatlar tezroq va yaxshiroq so‘rilishini ta’minlaydi, shuningdek, bu ko‘ngil aynishi sodir bo‘lmasligida xizmat qiladi.

Magniy

Tanamiz uchun eng muhim minerallardan biri bo‘lgan magniyni kechqurun qabul qilish yaxshidir, chunki magniy uyqu sifatini yaxshilaydi va asab tizimini tinchlantiradi, shu bilan birga, magniy va kalsiyni (agar siz kalsiy qabul qilsangiz) bir vaqtning o‘zida qabul qilish yaxshiroqdir.

Omega-3, 6, 9, va K vitamini kechqurun 18:00 dan 21:00 gacha yaxshiroq so‘riladi. Sink ham kechqurun yaxshiroq so‘riladi.