Varan MYUdan ketadi
Sport
−
14 may 2566
Fransiyalik himoyachi Rafael Varan 2023/2024 yilgi mavsum yakunida “Manchester Yunayted”ni tark etadi. Bu haqda klub matbuot xizmati xabar berdi.
Manbaga ko‘ra, futbolchi shartnoma muddati tugagach, “qizil iblislar” safidan ketadi, u bilan shartnoma uzaytirilmaydi.
Varan “Manchester Yunayted” safida 93 ta o‘yin o‘tkazdi. Rafa 4 aprel kuni “Chelsi”ga qarshi o‘yindan beri maydonga tusha olmayapti. Hozir u jarohatidan forig‘ bo‘lish uchun astoydil harakat qilmoqda.
“Yunayted”dagi barcha Rafaga qilgan ishlari uchun minnatdorchilik bildiradi va unga kelgusi faoliyatida omad tilaydi”, deyiladi klub matbuot xizmati xabarida.
Varan 2021 yilning avgust oyida “Real”dan “Manchester Yunayted”ga o‘tgan edi. 31 yoshli markaziy himoyachining bozor narxi hozirda 25 million yevroga baholanmoqda.
