O‘zbekistonning eng ko‘p aholisi qaysi hududlarda ekani aytildi

O‘zbekiston Respublikasi doimiy aholisi soni 2019 yil 1 iyul holatiga ko‘ra 33 million 523,6 ming kishini tashkil etgan. Bu haqda Davlat stastistika qo‘mitasi xabar bermoqda. 2019 yil boshidan 268,1 ming kishiga yoki 0,8 %ga o‘sgan.  Jumladan,  shahar aholisi soni 16 million 939,6 ming kishini (jami aholi sonidagi ulushi 50,5 %),  qishloq aholisi soni 16 million 584,0 ming kishini (49,5 %) tashkil etdi.

Aholi soni ortishi bo‘yicha eng yuqori ko‘rsatkich Samarqand, Namangan viloyatlari va Toshkent shahrida qayd etilgan bo‘lib, o‘sish 2,1%ga teng. Mamlakat aholisining viloyatlar kesimi bo‘yicha soni quyidagicha:

Andijon - 3 088,6  
Buxoro - 1 906,6
Jizzax - 1 365,5  
Qashqadaryo - 3 240,3   
Navoiy - 986,4
Namangan - 2 776,5   
Samarqand - 3 833,1
Surxondaryo - 2 594,6
Sirdaryo - 836,9
Toshkent - 2 917,2
Farg‘ona - 3 711,2
Xorazm - 1 846,4
Toshkent sh.  - 2 538,4 

Dastlabki ma’lumotlarga ko‘ra, 2019 yil 1 iyul holatiga ko‘ra,  Respublika doimiy aholi sonining 30,5%i mehnatga layoqatli yoshdan kichiklar, 59,3%i mehnatga layoqatli yoshdagilar va 10,2%i mehnatga layoqatli yoshdan kattalar hissasiga to‘g‘ri kelmoqda.